உடன்பிறப்பே துணிந்து வா !!!

இது என்ன கொடுமை! மைக் என்னும் நமது சகோதரன் கேள்வி கேட்கிறான் அதுவும் யாரை பார்த்து? கலைஞரை பார்த்து! அதையும் சகித்து கொண்டு நம் வலையுலகில் இருக்கும் கலைஞர் வழிவந்த உடன்பிறப்பு, சாலிசம்பர், லக்கிலுக்,அபிஅப்பா, எல்லோரும் இருக்க காரணம் என்ன? அதுவும் தலைவர் ஆஸ்பத்திரியிலே வலியால் துடிக்கும் போது இதற்கு பதில் சொல்லாமல் அப்படி என்ன அஞ்சலி பதிவை தயார் செய்து கொண்டிருக்கின்றீர்களா?

தலைவர் பலபேருக்கு தன்னை எதிர்த்த அத்தனை பேருக்கும் சமாதி கட்டிய வரலாறு உங்களுக்கு மறந்து விட்டதா? நீங்க விளக்க பதிவு போட்டால் உங்களை "கலைஞரின் அடிவருடி" என சொல்கின்றார்களா? ஆமாம் அது தானே உண்மை. அது போல அவர்கள் என்ன பொதுவான ஆசாமிகளா? நீ யாருக்குடா அடிவருடி என் திருப்பி கேட்க உங்களுக்கு தெரியாதா?

இல்லை யார் பூனைக்கு மணி கட்டுவது என யோசனையா? இதற்கும் மேல் உடன்பிறப்புகளே உங்களுக்கு சூடு சொரனை இருந்தால் அந்த மனநோயாளிகளுக்கு பதில் சொல்லுங்கள். இல்லை எனில் உங்கள் திமுக உறுப்பினர் அட்டையை உன் பொக்கிஷத்தை கூவத்தில் வீசி விட்டு கட்டுமரம் நோக்கி போய் எதாவது செய். ஆனால் திமுகவில் இருந்து கொண்டு கலைஞரை திட்டி உனக்கும் உன் பதிவுகளுக்கும் ஹிட் வாங்கி கொண்டிருக்காதே!

அவரின் நிலை என்ன என்று யாருக்கும் தெரியவில்லை. ஆனாலும் படுக்கையில் படுத்து கொண்டு பாலம் திறந்து கொண்டு இருக்கின்றார். பார்த்த என் கண்ணில் ரத்தம் வருகின்றது. உனக்கு வரவில்லையா என் உடன்பிறப்பே!

நம்மை எதிர்த்து கேள்வி கேட்ட எவனையாவது நாம் விட்டு வைத்தது உண்டா? ஜனநாயக ரீதியில் எதிர்கொண்டு பதில் சொன்னதில்லையா? உனக்கு பயமா? எந்த காலத்தில் நீ பயந்தாய் சொல் உடன்பிறப்பே! இதோ நான் பூனைக்கு மணி கட்டுகிறேன்! நண்பர் மைக் கேட்ட கேள்விகளுக்கு நான் பதில் சொல்கிறேன்!


1) தமிழகத்தில் உங்கள் வாக்கு வங்கி 10 சதவீதம் குறைந்ததிற்கு காரணம் காங்கிரஸ் என்று தெரிந்தும், இன்னும் ஏன் அதனுடன் கூட்டு வைத்துள்ளிர்களே ஏன்?

அய்யா, இது எங்கள் உள்நாட்டு விவகாரம், நீங்கள் ஏன் அதற்கு கவலை படுகின்றீர்! அப்படி கவலைப்பட்டால் கர்நாடககாரன் காவிரியில் தண்ணீர் தராத போதும், ஒக்கேனக்கல் பிரச்சனையின் போதும், கிருஷ்ணா நதிநீர் பிரச்சனையின் போதும் ஒரு குரல் கொடுத்ததுண்டா? கேட்டா அது உங்கள் உள் நாட்டு பிரச்சனை என்பீர்கள்! ஆகவே எங்களுக்கு தெரியும் எங்கள் தமிழன் எப்படி நிம்மதியாக வாழவேண்டும் வாழ வைக்க வேண்டும் என!



2) சகோதர யுத்தம் அப்படின்னா ஸ்டாலினுக்கு, அழகிரிக்கும் நடந்ததே அதுவா.

இல்லை மாத்தையாவுக்கும் பிரபாகரனுக்கும் நடந்ததே அது தான். உமாமகேஸ்வரனுக்கும் உங்கள் இயக்கத்துக்கும் நடந்ததே அதான். அமிர்தலிங்கம் vs பிரபாகரன் அதான், இப்படியாக பல சொல்லலாம். குடும்ப பிரச்சனைக்கும் சகோதர யுத்தத்துக்கும் வேறுபாடு உண்டு அய்யா!



3) அடுத்த முறை ஆட்சிக்கு வரவேண்டும் என்ற நினைப்பு கொஞ்சமாவது இருக்கிறதா?

ஏன் அது சம்மந்தமாக நீங்கள் எந்த விதத்தில் உதவி செய்வதாக உத்தேசம்?



4) ஒரு உண்மை தமிழன் சீமானை பிடிப்பதில் உள்ள உங்கள் வீரம், ஏன் தமிழின அழிவை காப்பதில் இல்லை?

யார் சொன்னது உணர்சிபூர்வ முடிவெடுப்பது தமிழன் வேலை இல்லை அறிவு பூர்வமாக முடிவெடுப்பது தான் எங்கள் நோக்கம். தமிழின அழிவுக்கு காரணமே நீங்கள் தான் என நாங்கள் வயிறு எரிந்து கொண்டு இருக்கின்றோம். எங்கள் மீது அனாவசியமாக பழி சுமத்த வேண்டாம்.



5) ஒரு வேளை ஜெ. நேருக்கு, நேர் சந்தித்தால் என்ன பேசி கொள்வீர்கள்(2 பேரும் ஒன்னுதான், நீ தமிழனுக்கு எதிரி, நான் துரோகி சிங்கா,சிங்கிச்ச்சா அப்படின்னு ஒரு கோலாட்டம் ஆடுவிங்களா)

உங்கள் நக்கல் சிரிக்கும் படி இல்லை. நாங்கள் ஏன் செயலலிதாவை சந்திக்க வேண்டும்? உங்களையே கடைசி வரை நம்பி இருந்த மக்களை மூளை சலவை செய்து கேடயமாக நாங்களா பயன் படுத்துகின்றோம். அப்படி பார்த்தால் யார் துரோகி?


6) முத்துகுமாரின் தியாகத்தை கொச்சை படுத்த எப்படி உங்களால் முடிகிறது, மனசாட்சியை எங்கு அடகு வைத்திருக்கிர்கள்?

யார் கொச்சை படுத்தியது. இன்றைக்கு என் உடன்பிறப்பு எரிந்து செத்து போனான். ஆனால் அவன் அழகாக 4 வரியில் எழுதிய கடிதம் இன்னும் ரத்தம் வருகின்றது எங்கள் நெஞ்சில்! அவன் அவனுடைய தலைவனுக்கு எழுதின நான்கு வரி நறுக்குன்னு இருந்தது. யாரையாவது அதிலே குறை சொல்லியிருக்கானா? அவன் உணர்வை அழகாக சொல்லிவிட்டு போய்விட்டான் பாவிமகன்! எங்களுக்கு கொச்சை படுத்த வேண்டிய அவசியம் இல்லை யாரையும்!


7) திமுக குடும்ப அரசியல் இன்னும் எத்தனை தலைமுறைகளுக்கு தொடரும். இது மெகா, மெகா சீரியலா?

திமுக என்பது எங்கள் குடும்பம்.நாங்கள் உறுப்பினர்கள் இருக்கும் வரை வாழையடி வாழையாக தொடரும் பல ஆயிரம் ஆண்டுகள்.


8) தமிழர்கள் ஒவ்வொரு நாளும் நூற்றுகணக்கில் ஈழத்தில் இலங்கை அரசின் வன்முறையால் செத்து மடிவது, தெரியுமா?

நன்றாக தெரியும். அதன் காரணகர்த்தாக்கலையும் நன்றாக தெரியும்.தடுக்க நடவடிக்கை எடுக்கும் போதெல்லாம் நீங்கள் தான் தடுப்பு சுவராக இருக்கின்றீர்கள்.


9) தமிழர்களை காக்க அரசியல் கட்சியாக நீங்கள் முயற்சி எடுப்பதை விட்டு, நீங்களே மக்களிடம் போய் நியாயம் கேட்கிறிர்கள், இது என்ன நியாயம் கலைஞர் சார். மக்கள் எல்லாம் தெளிவாத்தான் இருக்காங்க. நீங்கள் தெளிவு அடைவது எப்போது.?

நாங்கள் தெளிவாகத்தான் இருக்கின்றோம். இதில் உள்ள சில விஷயங்களை நாங்கள் உங்களிடம் விளக்க தேவை இல்லை.


10) தமிழர்களின் மேல் எப்போது வெறுப்பு வரத்துவங்கியது?

தவறு. நீங்கள் உங்கள் தலைமையிடம் கேட்க வேண்டிய கேள்வி இது!